«Самрұк-Энерго» компаниясының 10 жылдығына орай өткізілген республикалық конкурста арнамыздың тілшісі Әмірболат Құсайынұлы жеңімпаз атанды. Тәуелсіз Қазақстанның энергетика саласындағы дамуы мен жаңаруға бағытталған жобаларының жүзеге асуы жайлы журналистер арасында шығармашылық байқау жарияланған еді. Тақырыптың ашылуы, ақпараттың құндылығы, материалдың маңыздылығын көрерменге қызықты етіп беру тәсілдері талапқа алынған болатын. Елдің әр өңірінен жиналған ондаған материалдардың ішінен комиссия әріптесіміздің бейнематериалын үздік деп таныған. Жалпы елдегі 19 мыңнан астам адамды жұмыспен қамтып, ел көлемінде тұтынатын энергияның 30 пайызын өндіріп отырған «Самұрық –Энерго» мекемесі осыдан он жыл бұрын құрылған еді.
Біздің Telegram каналына жазылып,
соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
