Алматыдағы ғимараттар қасбеті қалай тазартылады?

Алматы жылдан-жылғы көркейіп келеді. Мұнда ірі жобалар іске асырылып жатыр. 
Мәселен, айналма жолдар салынып, көшелер жөндеуден өтіп, қозғалыс бағыттары өзгеруде.  
Жол жөндеумен қатыр, жылу құбырлары да ауыстырылып жатыр. 
Қаладағы ғимараттардың сырты өте сирек жуылады.
Мәселен, халық арасында «ұлутас» аталып кеткен мына ғимарат та солардың қатарында.
«Ұлутас» 80-жылдары өзінің көрікті келбетімен танымал болған еді.  
Бірақ, бұл секілді ғимараттар уақыт өте сұлулығын жоғалтады.
Өйткені қаладағы құрылыстың шаңы ғимарат сыртын ластайды.
Ғимарат қасбетіне күтім керек: уақытылы жуып, өзін сақтап тұратын материалмен қаптап, қалпына келтіріп отыру қажет.
Шілденің басында Назарбаев даңғылын қайта жасау барысында Қазақстан-Неміс университетінің сырты тазартылды. Сонымен қатар, әлі бірнеше ғимаратқа тазарту жұмыстары жүргізіледі.
Тазалауға арнайы химиялық ертінді қолданылады. Бұл лас ғимарат келбетін тазартып, ажарын аша түседі. 
Жұмысты тәжірибелі альпинистер тобы жүзеге асыруда. Бір үйдің сыртқы келбетін тазартуға шамамен 3-7 күн кетеді.
Алда ғимарат сыртын тазартумен қатар, сәнді элементтермен әрлеу жоспарланып отыр.