Қарағанды облысында ұлттық бюроның білдей бір басшысы жемқорлықпен ұсталды

Қарағанды облысында парақорлыққа қарсы күресуі тиіс ұлттық бюроның білдей бір басшысы жемқорлықпен ұсталды. Ол Балқаш өңірі бойынша ауданаралық сыбайлас жемқорлыққа қарсы күрес бөлімнің басшысы болған. Бұл туралы Ұлттық бюроның әлеуметтік желідегі парақшасында жазылды. 26 мамырда қамауға алынған бөлім басшысына мемлекеттік қаражатты жымқырған, коммерциялық құрылымдарға заңсыз көмек көрсетті деген айып тағылып отьр. Басқа мәлімет тергеуге кедергі болмас үшін жарияланбаған.

Фото: zakon.kz