Қазақстан мен Ресей Марсқа ұшатын зымыран дайындауда

Қазақстан ресейлік аса ауыр зымыранның дайындалуына қатысады, деп хабарлайды Baq.kz ақпарат агенттігі interfax.by сайтына сілтеме жасап.

«2019 жылдың аяғына қарай кешеннің нобайы аяқталады. Ол 2028 жылы ұшады деп жоспарланған. Аса ауыр зымыран ғарыштық ұшулар үшін, мысалы Ай мен Марсқа ұшу үшін қолданылады», – делінген Қазақстан Республикасы Қорғаныс министрлігі және Аэроғарыштық индустриясының аэроғарыштық комитетінің хабарламасында.

Сондай-ақ, екі тарап та шағын серіктер ұшыру мақсатында аса жеңіл зымыранды бірігіп жасауға, сондай-ақ Байқоңырда зымырандық техникалар кешенін жасауға дайын.

Қазіргі уақытта аса ауыр зырыманды жасау жұмыстары жүріп жатыр. Тиісті құжатқа РФ президентінің зымыран жасап шығару туралы қолы 2018 жылдың басында қойылған.

Фото: 24tv.ua