|
03.08.2018 | 12:28
1309

Қызылорда облысында қырым-конго безгегінен 1 адам қайтыс болды

Қызылорда облысында қырым-конго безгегінен 1 адам қайтыс болды

Қызылорда облысы Жаңақорған ауданында қырым-конго безгегінен 38 жастағы азаматша қайтыс болды, деп хабарлайды ҚазАқпарат.

Бүгінгі таңда Қызылорда облысында кене шағу жағдайы жиі кездеседі. Оған себеп – ауа райының құбылмалы болуы. Сыр өңірінде табиғат құбылысы бірде жылы, бірде салқын болып тұр. Бұл жағдайда кенелердің көбеюі көрініс береді.

«Жалпы, Қызылорда облысы бойынша кененің көп кездесуі жөнінен облыстың оңтүстігінде орын тепкен Жаңақорған мен Шиелі аудандары алаңдатады. Қайғылы жағдай да сол аймақта тіркеліп отыр. Соңғы жылдарда кененің кездесуі облыстың барлық аймағында да байқалады. Аталмыш науқас 27 шілдеде ауруханаға түскен. Дәрігерлер қолдан келген барлық медициналық көмегін көрсетті. Алайда науқастың өмірін сақтап қалуға мүмкіндік болған жоқ», – деді облыстық Жұқпалы аурулар ауруханасының бас дәрігері Айна Мұхамбетова.

Облыс көлемінде қырым-конго безгегі бойынша қолайсыз елді мекендер саны жылдан-жылға артып отыр. Ондай елді мекендер саны 2014 жылы 116 болса, 2018 жылы 127-ге көбейіп кеткен.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир