Президентінің қатысуымен «Қазақстандық жаңа индустрияландыру» атты телекөпір өтті

Қазақстан Президентінің қатысуымен «Қазақстандық жаңа индустрияландыру» атты телекөпір өтті. Жалпыұлттық телекөпір барысында Елбасы 23 жаңа индустрияландыру жобасын іске қосу жайлы пәрмен берді. Соның ішінде Алматы қаласындағы Италия технологиясымен модельді аяқ-киім шығаратын өндірістің жұмысын іске қосты. 

«Бұл жоба пилоттық жоба десем де болады. Келесі жылы, амандық болса біздер үлкен ақша құйып, күніне 3500 мың жұп аяқ-киім шығаратын ойымыз бар. Оның ішінде, әйелдер, ер кісілер, балалар бар. Осылайша, күнделікті ыңғайлы аяқ-киім шығару ойымызда бар»,- деді «Қазжеңілөнеркәсіп-Алматы» ЖШС директоры, Айбек БЕКТҰРҒАНОВ.
 
Елбасы жаңғыртылған кәсіпорынның жұмысына бастау берген өндіріс орны 300 миллион теңгеге итальяндық жабдықпен жаңғыртылғаннан соң жаңа жұмыс орындары ашылып, кәсіпорын қызметкерлерінің саны 450-ге жетіп, өндіріс көлемі 7 есеге артқан. Ерлерге арналған маусымдық аяқ-киім сұрыпталымы 75 модельге жетті. Жалпы, жылына өндірістік қуаты 2,5 миллиард теңгені құрайтын 150 жұп аяқ киім шығарылады.