«Самұрық Қазына-Фармация» серіктестігі басқармасының жаңа төрағасы болып Максим Касаткин тағайындалды

 ҚР Қаржы министрлігі мемлекеттік мүлік және жекешелендіру комитеті төрағасының бұйрығына сәйкес «Самұрық Қазына-Фармация» серіктестігі басқармасының жаңа төрағасы болып Максим Касаткин тағайындалды. Бұл туралы компанияның баспасөз қызметі мәлімдеді. Қаперде болса, 3 ақпанда Үкіметтің кеңейтілген жиынында Нұрсұлтан Назарбаев «Самұрық Қазына -Фармация» компаниясының қызметін сынға алған болатын. Келесі күні Үкімет отырысында Денсаулық сақтау министрі Елжан Біртанов «Самұрық Қазына -Фармацияның» бірінші басшысы қызметтен шеттетілгендігін мәлім етті.