Сирия елінің азаматтары елордада жалған құжатпен ұсталды

Сирия елінің азаматтары елордада жалған құжатпен ұсталды. Олар заңсыз түрде Ұлыбританияға ұшып кетпекші болған. Шетелдіктерді Астана-Лондон рейсінде кедендік бақылау бөлімінің қызметкерлері ұстаған. Сирияның екі азаматы тексеру кезінде Болгария елінің құжаттарын көрсетіпті. Олар Тұманды Альбионға жақсы өмір аңсап бармақшы болғандарын жасырмапты. Алайда, еліміздің Сыртқы істер министрінің бірінші орынбасары Мұхтар Тілеуберді шетелдіктерге қатысты мардымды жауап берген жоқ.

«Аталған факті бойынша жауапты орындар тиісті шараларды атқарып жатыр. Толық ақпарат пайда болғанда міндетті түрде жеткізетін боламыз», - деді Қазақстан Республикасы Сыртқы істер министрінің бірінші орынбасары Мұхтар ТІЛЕУБЕРДІ.