ОҚО полицейлері 30-дан астам мал ұрлау жайттарына күдікті ұрыларды ұстады

ОҚО полицейлері 30-дан астам мал ұрлау жайттарына күдікті ұрыларды ұстады. ҚР ІІМ 2018-2020 жж. арналған бағдарлама аясында бөтеннің мүлкін ұрлауға қарсы шаралар жүргізу мен профилактика бойынша Оңтүстік Қазақстан облысының полицейлері мал ұрлау жайттарын анықтау және әшкерелеуге тұрақты түрде жедел-профилактикалық іс-шаралар жүргізіледі, деп хабарлайды otyrar.kz.

Мысалға, Созақ АІІБ қызметкерлері аудан аумағында жайылым мен жергілікті тұрғындардың үй-жайларынан мал ұрлауды кәсіп еткен қылмыстық топтың әрекетін әшкереледі.

Осылайша наурыз айында Созақ АІІБ кезекші бөліміне жәбірленушілердің бірі 200 мың теңгеден астам сомада бағаланатын 5 қойын жеке қонысынан белгісіз біреулер ұрлап кеткендігі туралы арызданды. Аталған жайт «ұрлық» бабы бойынша СДТБТ-не тіркелген.

Жедел-іздестіру шаралары барысында Созақ АІІБ полицейлері өз ісін мойындаған екі күдіктіні ұстады. Қазіргі таңда тергеу барысында ұсталған күдіктілердің 30-дан аса үй жануарларын ұрлау жайттарына қатысы бары анықталды. Мал ұрлықшылары малдарды сатып, ақшаны өз қажетіне жұмсап отырған. Жәбірленушілерге келтірілген жалпы шығын 3 миллион астам теңгеден соманы құрады.

Қазіргі таңда бұл жайттар бойынша «ұрлық» бабы бойынша сотқа дейінгі тергеу амалдары жүргізілуде. Күдіктілер қамауға алынды. Тергеу жүргізілуде.

ОҚО ІІД Мемлекеттік тіл және ақпарат басқармасы