Демалыс күндері ТЖ департаментіне суға батып кеткен ер адам мен бала жөнінде хабар келіп түскен, деп хабарлайды pavlodarnews.kz.
Департаменттің баспасөз қызметінің мәлімдеуінше, құтқарушылар Павлодар ауылындағы арнайы белгіленбеген орында батып кеткен 14 жастағы баланың денесін іздеген. «Іздеу жедел құтқару жасағының көмегімен жүзеге асырылды. Құрамында төрт қызметкер болды. Баланың денесі табылмады», – деді баспасөз қызметіндегілер.
Келесі оқиға Баянауыл ауданының Торайғыр ауылында орын алған. Балықшылар ТЖ қызметіне 54 жастағы ер адамның жоғалып кеткендігі жөнінде қоңырау шалған.
«Олардың айтуынша, ер адам белгісіз жағдайда жоқ боп кеткен. Олар Торайғыр көліне батып кетті деп жорамалдап отыр. Оқиға орынында бес құтқарушы мен жүзуге арналған екі техника жұмыс жасады. Іздеу еш нәтиже бермеді», – деді департаменттегілер.
