Т. Жүргенов атындағы өнер академиясында Елбасының Жолдауы талқыланды

Адам капиталын дамытуда өнердің алар орны ерекше. Темірбек Жүргенов атындағы қазақ ұлттық өнер академиясында Елбасының кезекті жолдауы  талқыланды. Мамандардың айтуынша, рух - білімсіз, сана - сезімсіз байымайды. Олар «Рухани жаңғыру» бағдарламасын үш аспектіде қарауды алға тартуда.

«Рухани жаңғыру деген кезде, біріншіден, мен өзім айтқан болар едім, адамдықты ардақтау, нәсіп пен кәсіпті баптау, елдікке шақыру. Түптеп келген кезде рухани жаңғырудың формуласы осы бір түйінді ойға тірелетіндей. Бірінші адамнан басталады. Адамның нақты іс-әрекеті арқылы өзінің жалғасын табады, өмірдің өзекті мәселесімен ұштасып жатады», - деді философия ғылымдарының докторы Жахан МОЛДАБЕКОВ.