Нұрлан Өтеш: Amanat партиясының келешегі кемел болады деп сенемін

"Билеуші партияның атауы алғаш рет өзгертіліп жатқан жоқ". Бұл туралы қоғам қайраткері Нұрлан Өтеш айтты, деп хабарлады Almaty.tv.

"Алғашқыда «Отан» деп аталды. Кейін «Нұр-Отан» болды. Заман ағымына қарай алда жаңа мақсаттар тұр. Сондықтан саяси ұйымның бұл қадамы жаңа серпін болды", – деді ол.

Elorda.info-ға берген сұхбатында Нұрлан Өтеш «Аманат» деген атау партияға, сонымен қатар оның мүшелеріне зор жауапкершілік жүктейтінін, бұл сөзде терең мән-мағына жатқанын айтты.

"Өзім 2007 жылдан бері осы партияның мүшесімін. Партияның бағдарламалары айқын, партияластарымның көбі елжанды азаматтар деп санаймын. Amanat партиясының келешегі зор болатынына, елімізді үлкен жетістіктерге жетелейтініне сенемін", – деді қоғам қайраткері.