Мемлекет басшысы Қазақстан халқының бірлігі күнімен және Ораза айт мерекесімен құттықтады

Almaty.tv.

Жаңа Қазақстанды бірге өркендетеміз! Бұл туралы Қазақстан халқы Ассамблеясының ХХХІ сессиясы барысында Мемлекет басшысы Қасым-Жомарт Тоқаев айтты, деп хабарлайды Almaty.tv.

«Біз барлық жоспарымызды міндетті түрде жүзеге асырамыз. Мен бұған кәміл сенемін. Біз Екінші Республиканы бірге құрамыз, Жаңа Қазақстанды бірге өркендетеміз», – деді Қасым-Жомарт Тоқаев

Әр азаматқа бірдей мүмкіндік беретін әділ әрі дамыған мемлекет боламыз дей келе, Мемлекет басшысы алдағы мерекемен және Ораза айтпен құттықтады.

«Әр азаматқа бірдей мүмкіндік беретін әділ әрі дамыған мемлекет боламыз! Сөз соңында сіздерді алда келе жатқан Қазақстан халқының бірлігі күнімен және Ораза айт мерекесімен құттықтаймын», – деді Мемлекет басшысы.