Тоқаев: Бір айдан кейін жаңа диалог алаңы – «Ұлттық құрылтайдың» алғашқы отырысы өтеді

Бір айдан кейін жаңа диалог алаңы – «Ұлттық құрылтайдың» алғашқы отырысы өтеді. Бұл туралы Қазақстан халқы Ассамблеясының ХХХІ сессиясы барысында ҚР Президенті Қасым-Жомарт Тоқаев мәлімдеді, деп хабарлайды Almaty.tv.

Құрылтай қоғамды елдің дамуындағы өзекті мәселелерді талқылау жолында топтастыруға арналған.

«Ол жалпыұлттық диалогтың әмбебап моделіне айналады. Құрылтай құрамына депутаттар, Ассамблея мүшелері, сарапшылар мен құқық қорғаушылар, барлық өңірлердің, сондай-ақ Азаматтық альянстың, қоғамдық кеңестердің, үкіметтік емес ұйымдардың, бизнес - қауымдастықтардың және өндіріс саласының өкілдері кіреді», – деді Мемлекет басшысы.

Елордада ҚР Президентінің төрағалығымен ҚХА сессиясы өтті.