Бұл Жолдау тарих беттеріне жазылып, Жаңа Қазақстанның бастауы болады - БҒМ

Мемлекет басшысының бүгінгі Жолдауының ұзақтығы - 1 сағат 18 минут болды. Бұл уақыт тарих беттеріне жазылып, ел дамуының жаңа бағытының - Жаңа Қазақстанның бастауы болады. Мемлекет басшысы Қасым-Жомарт Тоқаевтың бүгінгі Жолдауынан соң ҚР Білім және ғылым министрі Асхат Аймағамбетов Facebook парақшасында осындай пікір жазды, деп хабарлайды Almaty.tv.

«Мемлекет басшысының жариялаған шешімдері қандай мұқияттылықпен қабылданса, алға қойылған міндеттерді дәл солай жүзеге асыру маңызды. Бүгінгі Жолдау жүрегімізден айрықша орын алғанымен келісесіздер деп ойлаймын. Отандастарымды Абай, Ұлытау және Жетісу облыстарының құрылуымен құттықтағым келеді. Құтты болсын», - деп жазды министр өзінің Ғacebook парақшасында.