Абай даңғылын жөндеу жұмыстары жалғасуда

Абай даңғылындағы жол жұмыстары бекітілген кестеге сәйкес жүргізілуде, деп хабарлайды Almaty.tv.

Қазіргі уақытта батыс бағытта Достық даңғылынан Әуезов көшесіне дейінгі және шығыс бағытта Тілендиев көшесінен Наурызбай батыр көшесіне дейінгі аумақтарда жөндеу жұмыстары толық аяқталып, көлік қозғалысы толықтай қалпына келтірілді.

3 тамыз сағ.23:00-ден 5 тамыз сағ.06:00-ге дейін даңғылдың Әуезов көшесінен Розыбакиев көшесіне дейінгі бөлігінің солтүстік бетінде полимерлі асфальтбетон жабынын төсеу жұмыстарына байланысты көлік қозғалысы толық шектеледі.

Жабық жерлерді Әуезов, Шевченко, Сәтбаев, Жароков, Гагарин, Розыбакиев көшелері арқылы айналып өтуге болады. Даңғылды Әуезов, Гагарин, Розыбакиев көшелері арқылы кесіп өтетін жол ашық болады.

Клочков және Радостовец көшелерінен Абай даңғылына оңтүстік бағытта бұрылатын жолда 3 тамыз сағ.23:00-ден 5 тамыз 06:00-ге дейін қозғалыс шектеледі.

Жол-көлік оқиғасының алдын алу және жол қозғалысын ұйымдастыру үшін жоғарыда аталған көше учаскесінде 3 патрульдік полиция экипажы жұмылдырылады.

Жөндеу жұмыстарын жүргізу учаскелері туралы өзекті ақпарат қала әкімдігі мен қалалық мобилділік басқармасының (@qmb_almaty) ресми парақшаларында, сонымен бірге, 2ГИС қосымшасында қолжетімді болады.

Естеріңізге салайық, Алматыда алғаш рет полимерлерді пайдаланып, асфальт төсеу жұмыстары жүргізіліп жатыр. Мұндай қоспалар тозуға төзімді, жұмсарту температурасы жоғары (65-70°C), сондықтан ыстыққа төтеп беріп, әлдеқайда ұзағырақ қызмет етеді – 8-10 жыл пайдалануға болады.

Жол жөндеу 2023 жылға жоспарланған жұмыстар аясында қолға алынған. Уақытша қолайсыздықтар үшін кешірім өтінеміз. Бұл қала жолдарының бізге ұзағырақ қызмет етуі үшін қажетті шара. Жол жүру бағыттарыңызды алдын ала жоспарлап алуларыңызды сұраймыз.

Жөндеу жұмыстарын жүргізу учаскелері туралы өзекті ақпарат қала әкімдігі мен қалалық мобилділік басқармасының (@qmb_almaty) ресми парақшаларында, https://t.me/AlmatyJoly Telegram-каналында, сондай-ақ 2ГИС қосымшасында қолжетімді.

Оқи отырыңыз: Есентай өзені арқылы өтетін көпірді реконструкциялау: қайта жаңарудан соң 600 ағаш отырғызылады