Жетісу ауданындағы ең өзекті мәселе инженерлік желілерді жаңғырту. Бұл туралы аудан тұрғындарымен кездесуде Алматы әкімі Ерболат Досаев айтты, деп хабарлайды Almaty.tv.
«Былтыр шешілген мәселенің бірі – «Рабочий» ауылында 22 көшедегі 47 км астам сумен қамту және су бұру желілері «Алматы Су» КМК балансына берілді», – деді қала әкімі Ерболат Досаев.
Олар 2019 жылы реконструкциядан өткен болатын. Бірақ мердігердің анықталған ақауларды жоюы қажет болғандықтан, балансқа беру бірнеше жылға созылды. Бүгінде 2 500 абонентті жаңа желілерге қосу жұмыстары жүріп жатыр.
Сонымен қатар, 2022 жылы 14,5 км сумен қамту және су бұру желісі жаңарады.
