Түрксіб ауданында 24 шақырым көше жөнделеді

«Қайрат» шағынауданында ұзындығы 2,7 км жол салу жұмыстары жүріп жатыр. Бұл туралы қала әкімі Ерболат Досаев айтты, деп хабарлайды Almaty.tv.

«Жол салу жұмыстарын осы жылдың қыркүйектің соңына дейін аяқтау жоспарланған. Ауданда 18 көшедегі ұзындығы 24 км жолды орташа жөндеуден өткізу жоспарлануда. Қалалық басқару жүйесін децентрализациялау  аясында биылдан бастап жолды қазіргі жөндеуді аудан әкімдіктері жүргізуде. Түрксіб ауданындағы 40 мың м2 астам магистральды көшелерді (Рысқұлов даңғылы, Майлин көшесі, Бекмаханов көшесі, Сүйінбай даңғылы және т.б.) ағымдағы жөндеуді қамтамасыз ету үшін 500 млн теңге бөлінді», - деді қала әкімі.