Алматы әкімі Ерболат Досаев Медеу ауданы халқымен кездесуінде осы жылдың 10 айының қорытындысы бойынша ауданның әлеуметтік-экономикалық көрсеткіштеріне тоқталып өтті, деп хабарлайды Almaty.tv.
"Аудан экономикасының өсуі 7%-ды құрайды, оның даму драйверлері 84%-ға өскен бөлшек сауда және 4,1%-ға өскен өнеркәсіп, құрылыс (3,4%) болып табылады", - деді әкім.
Оның айтуынша, инвестиция көлемі 35,3%-ға өсіп, 191,4 млрд. теңгені құраған.
Шағын және орта бизнес көлемі 29,6%-ға өсті (36 593 субъект).
Ауданда 4 мыңнан астам тұрақты жұмыс орны құрылды.
Салық түсімдерінің көлемі 751 млрд. теңгені құрап, 42,9%-ға өсті.
