Алматыда Саин - Шаляпин көшесі уақытша жабылады

Depositphotos.com

Әкімдік өкілдері көлік жүргізушілеріне жол жүру бағыттарын алдын ала жоспарлауды сұрайды

Алматы көшелерінің бірінде уақытша көлік қозғалысы тоқтатылады, деп хабарлайды Almaty.tv.

Жаңа жол жабындысын төсеу үшін Саин-Шаляпин көшесі қиылысындағы жолайрықтың шығыс бөлігі 8 маусымда кешкі сағат 22.00-ден 9 маусым таңғы сағат 06.00-ге дейін ішінара жабылады. Ал 9 маусымда кешкі сағат 22.00-ден 10 маусым таңғы сағат 06.00-ге дейін толық жабылады.

Бұл орташа жол жөндеу жұмыстары аясында жоспарланған. Әкімдік өкілдері қала тұрғындарынан келтірілген қолайсыздықтарға түсіністікпен қарап, жол жүру бағыттарын алдын ала жоспарлауды сұрайды.