Алматының қоғамдық көлігінде 3 тамыздан бастап бірқатар өзгеріс енді, деп хабарлайды Аlmaty.tv.
3 тамыздан бастап қоғамдық көлікте жол ақысы 120 теңге болды.
Қауіпсіздікті арттыру үшін қолма-қол ақшамен төлеу алынып тасталады: жүргізуші ақша жинауға алаңдамайды.
Жолаушылардың 97%-дан астамы қолма-қол ақшасыз есеп айырысады.
Төлем әдістері:
— Көлік картасы («Onay» филиалында және 115 пункте қолжетімді).
— Ұялы телефоннан SMS жіберу арқылы.
— Мобильді қосымша (ағылшын тілінде интерфейсі бар).
Жүргізушілердің заң бұзуын тіркеу үшін бірыңғай бақылау қызметін құру мәселесі қаралып жатыр.
Жол жүру билеттерінің құны:
Айлық — 9 900 теңге.
Студенттік — 4 200 теңге.
Мектеп — 2 000 теңге.
Зейнетақы — 3 000 теңге.
ҰОС ардагерлері, 75 жастан асқан зейнеткерлер, 1, 2-ші топтағы мүгедектер, 18 жасқа дейінгі мүгедек балалар, саяси қуғын-сүргін құрбандары мен басқа мемлекеттердің аумағындағы әскери қимылдардың ардагерлері т. б. тегін жүреді.
Студенттер, зейнеткерлер, көпбалалы аналар мен мүгедек балалармен бірге жүретіндерге 50% жеңілдік бар.
Қалалық мобилділік басқармасы тегін ауысып отыруға мүмкіндік беретін жол жүру билеттерінің жаңа нұсқасын әзірлеп жатыр.
Оқи отырыңыз: Алматыда қоғамдық көліктердің жолақысы өзгереді
