Алматыда Батыс Желтоқсан көшесі бойынша жол жүру қозғалысы уақытша шектеледі

23 маусым сағат 22:00-ден 26 маусым сағат 7:00-ге дейін Алматы қаласының Бостандық ауданында Батыс Желтоқсан көшесі бойынша Ганди көшесінен оңтүстік бағытта Желтоқсан көшесі 191 үйге дейін екі бағытта көлік қозғалысы шектеледі, деп хабарлайды Almaty.tv тілшісі «Алматы жылу жүйесі» ЖШС баспасөз қызметіне сілтеме жасап.

«Уақыт шектеулері аталған көше сегментінің жүріс бөлігінің астынан өтетін магистральдық құбырды қайта құрылымдаумен байланысты.

Мәжбүрлі қолайсыздықтарға түсіністікпен қарауды және көрсетілген учаскені айналып өту схемасын алдын ала қарастыруды сұраймыз», - делінген хабарламада.