Халық қатысатын бюджет: Алатау ауданында қанша жоба іске асырылды

2022 жылы «Халық қатысатын бюджет» бағдарламасы бойынша қаржыландыру 1,3 млрд-тан 1,8 млрд теңгеге дейін ұлғайды. Бұл туралы Алматы қаласының әкімі Ерболат Досаев Алатау ауданы халқымен кездесуінде мәлімдеді, деп хабарлайды Almaty.tv.

Бұл 42 жобаны іске асыруға мүмкіндік берді, оның ішінде 24 жоба аяқталды, 18 жоба биылғы қараша айында аяқталады.

"Аяқталған 24 жобаның барлығында балалар және workout алаңдары қарастырылған. Сондай-ақ, осы жобалар шеңберінде 12 футбол, 7 баскетбол, 6 волейбол алаңы салынды.  Іске асып жатқан 18 жоба бойынша 6 сквер ағымдағы жөндеуден өтіп жатыр, жоғарыда айтылғандай 12 жоба балалар спорт және workout алаңдарын салуға бағытталатын болады", - деді қала әкімі.