Алатау ауданында 30 автобус наурыз айының соңына дейін жаңартылады, деп хабарлайды Аlmaty.tv.
2023 жылдан бері Алатау ауданында 497 жаңа автобус және №19 бағыты бойынша 10 троллейбус тасымалдаумен айналысады. Бұл туралы аудан әкімі Ерболат Досаев аудан тұрғындарымен кездесуде мәлімдеді.
Оның айтуынша, 19 бағыттың құрамы толығымен жаңартылып, 7-і күшейтілді, қосымша 10 жаңа бағыт қосылды.
- 2024 жылы наурыздың соңына дейін қолайлы жағдай жасау мақсатында №120 бағыттың құрамын 30 автобуспен жаңарту, сондай-ақ 3 бағыттың (№16, 50, 123) құрамын ауыстыра отырып, 39-дан 62-ге дейін жаңа автобуспен күшейту жоспарланады, - деген Ерболат Досаев.
2024 жылы №133 маршруттың құрамын толығымен экологиялық таза газбен жүретін 18 үлкен автобуспен жаңарту жоспарланып отырғанын айтты.
Оқи отырыңыз: Халық қатысатын бюджет аясында 50-ден астам қоғамдық кеңістік құрылды
