Алматы қаласының Түрксіб ауданында ағымдағы жылдың соңына дейін ауданның 5 магистральдық көшесінің бойында 23 км техникалық тротуар салынады: Рысқұлов және Сүйінбай даңғылдары, Майлин, Шолохов, Ақан сері көшелері, деп хабарлайды Almaty.tv.
Бұл эстетикалық көріністі жақсартумен қатар көшелерді тазалау кезінде химиялық реагенттерден жасыл кеңістікті сақтайды. Бұл туралы аудан әкімі Бақытжан Ақжаров Алматының өңірлік коммуникациялар қызметінің брифингінде сөйлеген сөзінде айтты.
Ол орталықсыздандыру аясында аудан әкімдігі 40 мың м2 жол төсеміне ағымдағы жөндеу жүргізгенін айтты. Сонымен қатар, Қайрат шағын ауданындағы тұрғын үй кешені мен мектепке 2,7 км кірме жолдың құрылысы аяқталып, бүгінде сол жерге асфальттың бір қабаты төселді. 2024 жылдың екінші тоқсанында инженерлік коммуникациялар салынғаннан кейін қалған 5,3 км жол жабындылары аяқталады.
- Ұзындығы 22 км болатын 17 көше жолдары орташа жөнделді.Сейфуллин даңғылы, Сүйінбай, Арал даңғылы, Байрон, Бердіқожа, Ахметов, Алғабас, Шемякин, Спартак, Папанин, 13 в/г және т.б. жол жабынын асфальттау жұмыстары аяқталды. Сонымен қатар, 11 көшеде ұзындығы 8 км тротуарлар салынып, жөнделді, - деді ол.
Сонымен қатар, Рысқұлов даңғылы арқылы өтетін жер үсті жаяу жүргіншілер өткелінің құрылысы аяқталып, Ержанов көшесі арқылы өтетін жолдың құрылысы жүргізілуде.
