Мегаполистегі бірнеше шағынауданда суық су болмайды

Алматы мен Алматы облысының бірнеше тұрғын алаптары бір тәулікке суық сумен жабдықтаудан ажыратуды жоспарлап отыр, деп хабарлайды Almaty.tv тілшісі «Алматы су» МКК баспасөз қызметіне сілтеме жасап.

Бұқтырма көшесі мен Құлжа трактінің қиылысында жол-көлік айрығын салу жөніндегі іс-шараларды іске асыру шеңберінде Д=1400 мм, 1200 мм су бұрғыштарды құрылыс дақтары астынан шығару жөніндегі жұмыстардың соңғы кезеңі жүргізілетін болады.

20 маусым сағат 00:00-ден 21 маусым сағат 22:00-ге дейін Нұршашқан, Қайрат ш/а орналасқан тұрғын үйлер мен әкімшілік ғимараттарға су беру тоқтатылады. Сондай-ақ Алматы облысы Талғар ауданының елдімекендеріне: Белбұлақ, Гүлдала, Луч, Тұздыбастау, Түзүсай, Бірлік, Бесағаш.

Сонымен қатар, "Family Comfort", "Medeu city", "Besagash", "Hayat Apartaments", "Nomad City", "Tomarix City"," Алтын төбе"," Аспан Сити"," Алтын Сити"," Нұрия","Достар" және т.б. тұрғын үй кешендеріне Құлжа трактінің бойында орналасқан коммерциялық нысандарында су беру шектеледі; (тамақтану орындары, базарлар, Автосалондар және т.б.).

Уақытша қолайсыздықтарға түсіністікпен қарауды сұраймыз.