Алматының Түрксіб ауданында 17 көше жөнделді. Бұл туралы Алматы қаласы Түрксіб ауданы әкімінің орынбасары Наиль Лебаев Өңірлік коммуникациялар қызметінің брифингінде мәлімдеді, деп хабарлайды Almaty.tv.
Әкімдік өкілінің хабарлауынша, ауданда ұзындығы 482 км болатын 486 көше бар. Оның 90%-ы немесе 439 көшеге асфальт төселген.
«Қазірде ұзындығы 10,2 км болатын 17 көшені орташа жөндеу бойынша жол жұмыстары аяқталды. Бұл Л. Толстой, Сауранбаев, Ержанов к-сінің қиылысы, Тынышбав к-сінің қиылысы және басқалары. Әлмерек және Қайрат шағын аудандарында инженерлік желілер құрылысы аяқталғаннан кейін тағы 30 көше жөнделетін болады», – деп хабарлады әкімнің орынбасары.
Сонымен қатар, Алматы қаласының қалалық мобильділік басқармасы ауданның 7 учаскесі бойынша 9,5 км жаяу жүргіншілер жолы жөнделді (Наманган, Дөнентаев, Лавренев, Майлин, Ақан Сері, Папанин, Ахметов), қазіргі уақытта Сейфуллин даңғылының 2 км-інде жұмыстар жүргізілуде.
«Биыл Құлжа трактісі мен Бұқтырма көшелерінің қиылысында көлік жолайрығының құрылысы аяқталады. Жер үсті жаяу жүргіншілер өткелдерін салуға ЖСҚ әзірленді: «Парасат» ТК жанында Рысқұлов даңғылымен және теміржол жолдары арқылы Ержанов көшесімен. Сараптаманы алу мерзімі: ағымдағы жылдың қыркүйек және желтоқсан айлары», – деп жалғастырды Н. Лебаев.
Сонымен қатар, Хмельницкий көшесі Қайрат шағынауданынан Құлжа трактісіне дейін ұзарту бойынша ЖСҚ әзірлеу жұмыстары жүргізіліп жатыр.
Наиль Лебаев көшелерді жарықтандыру сұрақтарына да тоқталып өтті. Оның айтуынша, өткен жылы 614 учаскеде ағымдық жөндеу жұмыстары жүргізілген, 8463 кронштейн және шам орнатылған. Жыл соңына дейін ауданның ішінара жарықтандырылған 100-ден аса көшесін қосымша жарықтандыру жоспарланып отыр.
Лавренев көшесі, ұзындығы 8 км болатын Құлжа трактісі бойынша сыртқы жарықтандыру желілерін модернизациялау бойынша жұмыстар аяқталды. Шолохов көшесінен Сейфуллин даңғылына дейін Ақан сері көшесінде жұмыстары жалғасуда. Жоспарланған аяқтау мерзімі – 2022 жылдың үшінші тоқсаны.
