Алматы әкімдігі қала аумағында көліктердің жүрісін шектеп, велоинфрақұрылымды дамытуға 148 млн теңге бөледі, деп хабарлайды Almaty.tv тілшісі ҚазАқпаратқа сілтеме жасап.
Осындай мәлімдеме мемлекеттік сатып алулар порталында жарияланды. Алматы Қалалық мобильділік басқармасы 148 млн теңгеге тапсырыс берген.
Құжатта көрсетілгендей, басты мақсат – қалада көліктер бөлетін зиянды заттарды азайту. Зерттеу аумағына Рысқұлов – Шығыс айналма жолы – Әл-фараби – Саин көшелері жатады.
Ең алдымен, қаладағы қазіргі ахуал тыңғылықты зерттеуді талап етеді. Екіншіден, халықаралық тәжірибені ескеру қолға алынады. Үшіншіден, жүк көліктерінің тұрақты әрі уақытша жүк жеткізетін нысандары зерттеледі. Төртіншіден, жүк тасымалы паркінің құрылымы мен жұмысы талданады. Жұмыстың екінші кезеңінде велоинфрақұрылымды дамыту көзделген.
