Алматы күні: Қазақ вальсінің королі Шәмші Қалдаяқовқа арналған концерт өтті

Алматының туған күнінде қазақ вальсінің королі Шәмші Қалдаяқовқа арналған концерт өтті, деп хабарлайды Almaty.tv.

Жанды дауыста шырқалған әндерді Абай атындағы Қазақ ұлттық опера және балет театрының эстрадалық-симфониялық оркестрі  сүйемелдеді. Кеште ххалықтың Шәмші әндерін сағынғаны байқалды. Оркестрге Шәмшінің ұлы Мұхтар Қалдаяқов дирижерлік етті.

«Алматылықтарды мерекемен құттықтаймын! Барлықтарыңызға береке,бірлік, бақыт, зор денсаулық тілеймін. Өте қуанып тұрмын. Өйткені Шәмші Қалдаяқовқа арналған концертте өнер көрсету  мен үшін мәртебе. Ол кісінің шығармашылығы менің балалық бал дәурен шағымды, студент кезімді еске салады», – деді Абай атындағы Қазақ ұлттық опера және балет театрының солисі Азамат Малышов.