Алматы қалалық мәслихат депутаты зейнеткерлермен кездесті

Қазыналы қарттарды ардақтау – парыз. Оларды толғандырған мәселені шешу мақсатында бүгін Алматы қалалық мәслихат депутаты Наурызбай ауданының зейнеткерлерімен кездесті, деп хабарлайды Almaty.tv.

Әлеуметтік бағыттағы сұрақтарын тыңдап, орындалуын қарастырды. Қала күні мерекесі қарсаңында әлеуметтік санаттағы отбасыларға да ерекше көңіл бөлінді. Халық қалаулысы оларды арнайы барып құттықтап, сыйлық табыстады.

«Көп жағдайда егде жастағы кісілер цифрлық құжатты пайдалана алмай жатады. Еліміздегі басым қызметтер қазір электронды форматта көрсетіледі. Зейнеткерлерді осы күнге дейін мазалап келген сұрақтарын тыңдап, көмектесуге тырыстық. Шешу үшін жауапты басқармаларға хабарласамыз», – деді қалалық мәслихат депутаты Сана Жандай.