Алматы қала күнін ауқымды түрде атап өтуде. Негізгі іс-шаралар Абай атындағы алаңда және Президент саябағында өрбіді. Биылғы мерекедегі барлық іс-шара отбасына бағытталды және туған қалаға деген тазалық пен ұқыптылықтың символымен ұйымдастырылды. деп хабарлайды Almaty.tv.
Дәстүр бойынша мерекені Алматы қаласының әкімі Ерболат Досаев ашып, қала тұрғындарын құттықтап, "Алматының Құрметті азаматы" атағына лайықты азаматтарды атап өтті.
Алматылықтарға арнаған сөзінде мегаполис басшысы Президент Қасым-Жомарт Тоқаев туған қаласын дамытуға басымдық беретінін және "Алматы - бейбітшілік картасында ерекше орын алатынын, бұл достық, келісім, интернационализм аумағы" екенін атап өтті.
- Бұл - үлкен байлығымыз. Алматыны мақтан тұтамыз, оны қорғап, өркендетуіміз керек, - деді қала әкімі.
Ол сондай-ақ қала тұрғындарының назарын қаланы қорғау қажет екеніне аударды.
Естеріңізге сала кетейік, көктемде Президенттің "Таза Қазақстан" бастамасы аясында "Алматы — біздің ортақ үйіміз" науқаны басталды.
- Үйіңіздегі, аулаңыздағы және қалаңыздағы тазалық пен тәртіп өмір салтына айналуы керек. Алматыға келетін болсақ, өз қаласына ұқыпты қарау мен шынайы қамқорлық нағыз алматылықтың айрықша белгісі болып табылады, - деді қала әкімі.
Ерболат Досаев қала тұрғындарына қолдау көрсеткені үшін алғыс айтып, Алматыда өмір сүруге қолайлы жайлы жағдай жасау үшін барлық шаралар қабылданатынына сендірді.
- Президент Қазақстан халқына Жолдауында атап өткендей "Біздің қоғамда заң мен тәртіп орнауы тиіс. Тек сонда ғана біз әділ, таза және қауіпсіз Қазақстанды құрамыз". Біз Алматының адамдар өмір сүргісі келетін, балаларды тәрбиелеп, болашаққа сеніммен қарайтын қала болуы үшін бар күшімізді саламыз!,- деді Ерболат Досаев.
Оқи отырыңыз: Ерболат Досаев алматылықтарды қала күнімен құттықтады
