Е. Тоғжанов Алматыдағы ерекше қажеттілігі бар балаларды оңалту орталығына барды

Бүгін Алматы қаласына жұмыс сапары барысында ҚР Премьер-Министрінің орынбасары Ералы Тоғжанов «MEIIRIM» балалар мен жасөспірімдерге арналған оңалту орталығында болды, деп хабарлайды Almaty.tv тілшісі Премьер-министрдің баспасөз қызметіне сілтеме жасап.

Ерекше қажеттіліктері бар балалар мен жасөспірімдерге арналған оңалту орталығының мамандары 16 жыл ішінде балаларды дамытудың танымал және ұсынылған жүйелерінде, сондай-ақ педагогикалық құрамының бай тәжірибесіне негізделген өзіндік бірегей бағдарлама әзірледі. Шын мәнінде, бұл 3 жастан 16 жасқа дейінгі ерекше балаларға арналған балабақша-мектеп, мұнда аталған топтағы балалар өсу кезеңіне дейін мамандандырылған физикалық және білім беру оңалтудың толық бағдарламасынан өтеді.

2005 жылдан бастап оңалту орталығында 450 бала оқытылды, олардың 200-і жалпы білім беретін немесе жеке меншік мектептерде, 100-і мемлекеттік арнайы мекемелерде оқуын жалғастырды. 38 тәрбиеленуші оңалту бағдарламасынан кейін мүгедектер арбасының көмегінсіз өз бетінше қозғала бастады, жүргізуші құралдар көмегімен – 52 бала. Тірек-қимылсыз қалыпқа душар болған балалар үшін бұл үлкен жетістік және ерекше бала тәрбиелеп отырған бүкіл отбасының өмір сүру сапасын арттыру.

2018 жылы «MEIIRIM» РО Австриялық жобалаушылар мен кеңесшілердің көмегімен қайта жаңғыртылды және Еуропалық сапа мен қауіпсіздік стандарттарына сәйкес келтірілді. Орталықтың құрылыс материалдары мен жабдықтары, жиһаз, спорттық станоктар мен снарядтар Еуропа елдерінде «MEIIRIM» РО тапсырысы бойынша жасалған. Орталықтың әрбір кабинеті климатты бақылау, ауаны сүзгілеу жүйелерімен жабдықталған, қауіпсіздігі жоғары өртке қарсы жүйе енгізілген. Әрбір кабинет және жалпы аймақтар орталық қамқорлығындағы адамдарды оңалтудың барлық процесін тіркейтін бақылау камераларымен жабдықталған.

Балаларды оңалтуда емдік дене шынықтыруға ерекше мән беріледі, ол үшін спорт залда және амфитеатр мен кинотеатр бар көшедегі инклюзивті алаңда мамандандырылған снарядтардың үлкен кешені құрылды.

«Алмалы» холдингінің бас директоры Қайрат Боранбаевтың айтуынша, балаларды қолдау мемлекет үшін өте маңызды.

«Мұндай форматтағы орталық – еліміз үшін бірегей және әзірше Қазақстанда жалғыз. Оны ерекше қажеттіліктері бар балалар үшін ғана емес, олардың ата-аналары үшін де оңалту деп санауға болады. Елдің басқа аймақтарында ерекше балалардың ата-аналары өз бетінше тамақ ішуге қабілетсіз балаларын бүкіл жұмыс күні бойына қараусыз тастап кете алмайды. Ал бұл балалардың аналары жұмыс істеуге, өздерін дамытуға және отбасы мен басқа балаларға уақыт бөлуге мүмкіндік алады. Бұл тек толық жұмыс аптасы режимінде ерекше балаларға күтім жасайтын балабақша ғана емес, балалар мен ата-аналарына өмір сапасын жақсартуға көмектесетін түрлі дағдыларды үйретеді», — деді Қ. Боранбаев.

ҚР Премьер-Министрінің орынбасары Ералы Тоғжанов оңалту орталығымен танысқаннан кейін жүргізіліп жатқан жұмысты жоғары бағалап, алдағы қызметіне табыс тіледі.