Алматының Медеу ауданында №2 мамандандырылған балалар үйі ашылды

2025 жылдың 18 қыркүйегінде, Алматы қаласының мерейтойы қарсаңында, Медеу ауданында орналасқан «№2 Мамандандырылған балалар үйі» күрделі жөндеуден кейін өз есігін қайта ашты, деп хабарлайды Аlmaty.tv.

Ғимарат толықтай жаңартылып, заманауи талаптарға сәйкес келтірілді. Балалардың жайлы өмір сүруіне, қауіпсіз ортада өсуіне және жан-жақты дамуына қолайлы жағдай жасау мақсатында мекеме жаңа жиһаздармен жабдықталды.

Мекенжайы: Сапар Байжанов көшесі, 107/5. Жобалық қуаттылығы: 60 бала

Бұл әлеуметтік жоба — қамқорлық пен ізгіліктің айқын көрінісі. Мемлекет пен қоғамның ортақ мақсаты – балалардың жарқын болашағына жағдай жасап, олардың тәрбиесі мен біліміне қолдау көрсету.

Алматы қаласында осындай маңызды бастамалар жалғасын тауып, балалардың игілігіне қызмет ете береді.

Оқи отырыңыз: Алматыда ерекше қажеттілігі бар балаларға арналған жаңа "Жанұя" кешені ашылды