Алматыда белгілі сауда орталығында кітап беру пункті ашылды

Видеодан кадр

Жоба қала әкімі Дархан Сатыбалдының тапсырмасымен жүзеге асырылды

Алматының Жетісу ауданындағы «Adem» сауда орталығында Орталықтандырылған кітапхана жүйесінің жаңа кітап беру пункті ашылды, деп хабарлайды Almaty.tv.

Жоба Мемлекет басшысы Қасым-Жомарт Тоқаевтың «Кітап оқитын ұлт» идеясы аясында қала әкімі Дархан Сатыбалдының тапсырмасымен жүзеге асырылды.

Жаңа кітап беру пункті сейсенбі-жексенбі күндері сағат 09:00-ден 18:00-ге дейін жұмыс істейді.

Енді Жетісу ауданының тұрғындары мен сауда орталығына келушілер кітапханаға арнайы бармай-ақ, осы жерден кітап таңдап, жаңа шығармалармен таныса алады.

Оқи отырыңыз: Президент Мәдениет және ақпарат министрі Арман Қырықбаевты қабылдады