Алматыда жалпықалалық бос жұмыс орындары жәрмеңкесі өтеді

Алматының Арбат аумағында, Жібек жолы мен Панфилов көшелерінің қиылысында 15 қыркүйекте сағат 15:00-де Еңбек күні мен Алматы қаласының күніне орай жалпықалалық бос жұмыс орындары жәрмеңкесі өтеді,  деп хабарлайды Almaty.tv 

Іс-шараны Алматы қаласының Еңбек мобильділігі орталығы Алматы қаласы әкімдігі мен Жұмыспен қамту және әлеуметтік бағдарламалар басқармасының қолдауымен ұйымдастырады.

Жәрмеңкеге 100 жұмыс беруші қатысып, 400-ден астам бос жұмыс орнын ұсынады. Бұл ретте 2 500-ге жуық адамды жұмыспен қамтуға мүмкіндік бар.

Іс-шара барысында жұмыс іздеушілер жұмыс берушілермен тікелей кездесіп, бос жұмыс орындары, еңбек жағдайы, жалақы деңгейі, әлеуметтік кепілдіктер және кәсіби даму мүмкіндіктері туралы ақпарат ала алады.

Сондай-ақ, жұмыспен қамту саласындағы мемлекеттік қолдау шаралары мен кәсіптік оқыту бағдарламалары бойынша кеңес беріледі.

Оқи отырыңыз: Таза қала бастамасы: Алматыда тұрмыстық қалдықтарды сұрыптауға арналған кезекті орталық жұмысын бастады