«Жоба өзін-өзі ақтайды және жұмыс орындарын береді»: Мұхтар Тайжан тау курортының экономикалық тиімділігі туралы айтты

Almaty Superski бойынша өткен тыңдауда сөйлеген сөзінде спикер курортты дамыту Алматы экономикасы мен туризмінің қуатты драйверіне айналуы мүмкін екенін мәлімдеді, - деп хабарлайды Almaty.tv.

Оның айтуынша, жобаға құйылатын инвестициялар қайтарымды сипатқа ие:

«Егер инвестиция көлемі шамамен бір миллиард еуроны құраса, бұл жоба 3-5 жыл ішінде өзін-өзі ақтай алады», — деп атап өтті ол.

Сонымен қатар ол әлеуметтік тиімділікке де ерекше тоқталды:

«Мен бұл жобаның Куршевельден де қымбат болғанын қолдаймын. Сонда бұл жерге ауқатты туристер келетін болады, ал бұл — 20 мыңға дейін жұмыс орны деген сөз».

Спикер туризмнен түсетін табысты әлеуметтік бағдарламаларға бағыттауға болатынын да атап өтті:

«Бай туристердің есебінен біз көпбалалы отбасыларға, ардагерлерге және мүмкіндігі шектеулі азаматтарға дотация бере аламыз».

Ол тау туризмін дамыту мектеп оқушылары үшін тегін үйірмелер жүйесін құруға мүмкіндік беретінін айтты:

«Біздің балаларымыз Австрия немесе Швейцариядағыдай шаңғы тебуді үйрене алады».

Осы сөздерден кейін залда шапалақ дауысы мен қолдау естілді.

Оқи отырыңыз: «Мифтермен өмір сүргенді доғару керек»: Almaty Superski бойынша өткен тыңдауда жобаға қолдау білдіріліп, тауларды дамытуға шақыру жасалды