Олимпиаданың күміс жүлдегері Нариман Құрбанов референдумда өз дауысын берді

Алматыда тағы бір атақты спортшы – спорттық гимнастикадан Олимпиада ойындарының күміс жүлдегері Нариман Құрбанов АЭС құрылысы бойынша референдумда дауыс беруге қатысты, деп хабарлайды Аlmaty.tv.

Атақты спортшы өзінің үлгісімен ел үшін осы мәнді  оқиғаға қатысудың маңыздылығын көрсеткісі келетінін атап өтті. 

«Өз дауысыңды беру-әркімнің азаматтық борышы, мен міндет деп айтар едім. Әркімнің өз таңдауы бар және оны жасау керек. Қазақстандықтар бұл мәселеде жауапкершілікті көрсететініне сенімдімін», - деді Нариман Құрбанов.

Естеріңізге сала кетейік, бұған дейін Алматыда әйелдер боксы бойынша Париждегі ХХХІІІ жазғы Олимпиада ойындарының қола жүлдегері Назым Қызайбай мен белгілі боксшы Ермахан Ибраимов дауыс берген болатын. Қалада барлығы 624 сайлау учаскесі жұмыс істейді, олар сағат 20.00-ге дейін ашық болады. Алматы әкімі Ерболат Досаев жұбайымен бірге №48 мектеп-лицейдегі №388 сайлау учаскесінде дауыс берді.

Оқи отырыңыз:  50 жыл отасқан: алматылықтар сайлау учаскелеріне отбасымен бірге келіп жатыр