Алматыда жолдарды жөндеу кезінде ғылыми әзірлемелерді қалай қолданады

Алматыда жол төсемінің қызмет ету мерзімін арттыру және жолдарды жөндеу кезінде қаржылық шығындарды азайту мақсатында заманауи технологияларды қолдана отырып ғылыми зерттеулер жүргізілуде, деп хабарлайды Almaty.tv.

Қалалық мобилділік басқармасының хабарлауынша, жол жабындыларының температурасы мен ылғалдылығын, жолдардың топырақ негізін бақылау мақсатында автоматтандырылған жүйе кешендері пайдаланылады. 

Бүгінде 3 метрге дейінгі тереңдікте екі жерде, Абай даңғылының батыс бағытында Береке көшесінің қиылысында және Гагарин даңғылында Жамбыл көшесінің қиылысында солтүстік бағытта датчиктер орнатылды.

Жобаның ғылыми кураторы болып табылатын Жол ғылыми-өндірістік орталығының басшысы Бағдат Телтаев температура жолдың беріктігі мен қуаттылығын анықтайтын негізгі сипаттамалардың бірі екенін атап өтті. Яғни, фазалық ауысуларды ескере отырып, уақыт бойынша температураның өзгеру заңдылықтарын білу маңызды.

«Жүйе стационарлық бақылау нүктелерінде жол құрылымының су-жылу режимінің параметрлерін автоматтандырылған жинауды жүзеге асырады. Жаз мезгілінде температураның өзгеру заңдылықтары мен сипаттамаларын белгілей отырып, біз асфальтбетонға төзімді полимерді таңдаймыз. Қыста температураның өзгеру заңдылықтары мен сипаттамаларын белгілей отырып, біз жарыққа төзімді асфальтбетонға арналған полимерді таңдаймыз. Нәтижесінде гибридті полимері бар асфальтбетон аламыз», - деп атап өтті Бағдат Телтаев.

Әкімдік жоба ұзақ мерзімді болып табылатынын және қаланың әртүрлі бөліктерінде тағы 5 осындай кешен орнату қарастырылғанын хабарлады. Сондай-ақ  «орта салмақтағы» көлік құралдарының үлесін анықтау үшін Алматы қаласының негізгі жол учаскелерінде көлік ағынының қарқындылығы мен құрамын өлшеу бойынша жұмыстар орындалатын болады.

Естеріңізге сала кетейік, ағымдағы жылы қалада ұзындығы 250 км болатын 274 көше орташа жөнделді, осылайша, жолдардың үлесін жақсы және қанағаттанарлық жағдайда 92% - ға дейін жеткізу жоспарлануда.

Оқи отырыңыз: Атырауда қасақана өртелген пәтерден 70 жастағы әйелдің денесі табылды