Атырауда қасақана өртелген пәтерден 70 жастағы әйелдің денесі табылды

Атырауда құтқарушылар өрт кезінде 67 адамды құтқарды және эвакуациялады, деп хабарлайды Almaty.tv тілшісі ТЖМ мәліметіне сілтеме жасап.

Атырауда Алмагүл ықшамауданында алты қабатты тұрғын үйдің 1 қабатында пәтерде 74 шаршы метр алаңда өрт болды.

"ТЖД күшімен автосатымен және баспалдақ маршымен 13 адам, оның ішінде 6 бала құтқарылды және 54 адам, оның ішінде 30 бала эвакуацияланды. Өрт сөндірілді", - делінген хабарламада.

ТЖМ мәліметінше, оқиға орнында 1954 жылы туған әйел адамның өлі денесі табылды. Сондай-ақ 1994 жылы туған ер жігіт күйік алып ауруханаға жатқызылды. Өрттің алдын ала себебі - қасақана өртеу.

Оқи отырыңыз: Қазақстанда 1 қазаннан бастап пойыз билеттері қымбаттайды