Алматының Жетісу ауданында 8 шақырымнан астам су құбыры және кәріз желілері жаңартылып жатыр

пресс-служба акима Алматы

Алматының Жетісу ауданында 2026 жылы коммуналдық желілерді қайта жаңғырту бойынша сегіз жоба жүзеге асырылып жатыр. Бұл туралы аудан әкімдігінің өкілдері айтты, - деп хабарлайды Аlmaty.tv.

Жоба аясында 7 шақырымнан астам су құбыры және шамамен 1 шақырым кәріз желісі жаңартылады.

Сонымен қатар 2-ші Гончарная көшесінде ұзындығы 340 метр болатын жылу желілерін қайта жаңғырту жұмыстары басталды. Қазіргі уақытта аталған аумақта уақытша желілер тартылды. Жобаны үш ай ішінде аяқтау жоспарланып отыр.

Бұдан бөлек, кернеуі 6-10 кВ болатын кабельдік электр желілерін жаңғырту жұмыстары да қолға алынған. Негізгі жұмыстарды жыл соңына дейін аяқтау көзделген.

Оқи отырыңыз: Алматы әкімдігі бұрынғы трамвай депосының орнына не және қашан салынатынын айтты