Медеу ауданының оңтүстік бөлігінде аптап ыстықтың салдарынан мұздықтардың қарқынды түрде еруі нәтижесінде сумен жабдықтауда шектеу байқалады. Бұл жағдайға байланысты кейбір әлеуметтік желі қолданушылары осы аймақтағы ағаштардың қурап кетуі мүмкін екені туралы ақпарат таратты, деп хабарлайды Almaty.tv.
Осыған байланысты орталықтандырылған сумен жабдықтау жасыл желектерді суаруға арналмағанын және пайдаланылмайтынын хабарлаймыз. Суаруға арналған су жинау арық жүйесінен (ауданы - 37,5 га), 12 мотопомпаның, жинақтағыштың көмегімен Кіші Алматы өзенінен алынады. Бұл су автоматтандырылған жүйенің көмегімен жалпы ауданы 122,97 га болатын 25 мекенжайға пайдаланылады, сонымен қатар 30 арнайы техниканың көмегімен жалпы ауданы 36,75 га болатын 24 аймақ суарылады.
Жалпы, Медеу ауданында жалпы ауданы 197 га болатын 76 жасыл желек бар, оның 31-і сквер, саябақ, жасыл аймақ және 45-і жол, бульвар, жол айырыққа жатады.
Оқи отырыңыз: Медеу ауданында су қашан беріледі
