Қазақстанда өндірілетін ұн мен сұйық май Қытай нарығына шығарылады, деп хабарлайды Almaty.tv.
Екі ел арасында арнайы Меморандумға қол қойылды. Келісім бойынша, алғашында біздің ұн мен сұйық май «Alibaba Group» компаниясының каналдары арқылы Қытайға шығарылады. Аталған тауарлар алғашқы саты бойынша жеткізіледі. Кейін өзге тауарларды да осы жолмен сату көзделіпті. Сауда және интеграция вице-министрі Қайрат Төребаевтың айтуынша, бұл біздің кәсіпкерлерге жақсы мүмкіндік. Бизнес иелері осылайша әлемдегі ең ірі дистрибютер арқылы тауарларын көрші елге экспорттай алады.
