|
Ekonomıka
10.07.2019 | 20:13

Бақытжан Сағынтаев Алматы кәсіпкерлерімен кездесті

Кездесу барысында шағын және орта бизнесті қолдау және дамыту мәселелері көтерілді

Бақытжан Сағынтаев Алматы кәсіпкерлерімен кездесті zakon.kz

Бүгін Алматы қаласының әкімі «Атамекен» Ұлттық кәсіпкерлер палатасының өкілдері мен жалпы қала кәсіпкерлерін қабылдады, деп хабарлайды Almaty.tv тілшісі.

Кездесу барысында шағын және орта бизнесті қолдау және дамыту мәселелері көтерілді. Сондай-ақ, нарықты жаңарту, туристік әлеуетті тиімді пайдалану, Алматы қаласының географиялық ақпараттық картасын жетілдіру және IT-индустрияны дамыту мен цифрландыру жөнінде сөз қозғалды.

«Алматы – бизнес пен жеке капитал қаласы. Мемлекеттің экономикаға қатысу үлесі 2,4%-дан аспайды, ал шағын және орта бизнестің үлесі 39 пайызды құрайды. Қалада кәсіпкерлерді қолдау мақсатында әртүрлі бағдарламалар тиімді жүзеге асып келеді. Әрі кәсібін дөңгелетемін деген адамға еш кедергі жоқ. Бизнесті қолдау бағытындағы жұмыстар ары қарай жалғасады», – деді, қала әкімі Бақытжан САҒЫНТАЕВ.