Алматыда бүгінге дейін короновируспен бірде-бір адам тіркелмеген

Алматыда короновирусқа қатысты жағдай тұрақты. Қауіпті індеттің тарап кетпеуі үшін жан-жақты күшейтілген жұмыстар жалғасып жатыр. Алматыда бүгінге дейін осы аурумен бірде-бір адам тіркелмеген. Қытайдан келетін рейстер тоқтатылды. Десе де, қазіргі таңда барлық халықаралық рейстен түскен жолаушыларға медициналық тексерулер қатаң тәртіппен жүргізіліп жатыр. Осы мәселеге қатысты толық ақпарат беру үшін Аlmaty.tv студиясына қалалық тауарлар мен қызметтердің қауіпсіздігін бақылау департаментінің бөлім басшысы Саят Қауметбаев мырзаны шақырған едік.