Германияда шектеу шаралары күшейтіліп, карантин 10 қаңтарға дейін ұзартылды

Германия 25 қараша мен 20 желтоқсан аралығына енгізілген карантинді одан ары ұзартпақ, деп хабарлайды Almaty.tv тілшісі Baq.kz-ке сілтеме жасап.

Жаңа мерзім - 10 қаңтарға белгіленіп, шектеу шаралары күшейтілді. Сәрсенбіде мемлекетте COVID-19-дың кесірінен болған өлім-жітімінің рекордтық деңгейі тіркелді: 952 адам қайтыс болды.

Рим мен Мадридте COVID-19-дың таралуын болдырмау мақсатында Рождество мерекесі қарсаңында қатаң шаралар қабылдауды қарастыруда.

Ұлыбританияда керісінше, Рождество мерекесі кезеңінде шектеу шаралары жеңілдетілмек, бірақ ел билігі ұзақ сапар мен топтық кездесулерге қатыспауға кеңес беруде.

Дүниежүзілік денсаулық сақтау ұйымы еуропалықтарды Рождество мерекесі кезінде бетперде тағуды және әлеуметтік арақашықтықты сақтауға шақырды.