Өзбекстанда 11 дәрігер коронавирус жұқтырған

Өзбекстанда коронавирус жұқтырған 65 адамның 11-і Вирусология ғылыми-зерттеу институтының қызметкерлері. Бұл туралы президент Шавкат Мирзиеев айтты, деп хабарлайды tengrinews.kz CentralAsia сайтына сілтеме жасап.

"Медицина қаншалық дамыса да, мемлекет қанша қаражат бөлсе де, халық дәрігерлердің кеңесіне құлақ аспаса, карантин ережесін сақтамаса, пандемиямен күресіп жатқан азаматтардың барлық шарасы босқа кетеді", - деді президент.

Сондай-ақ, Өзбекстан президенті елдегі жағдайға байланысты халықпен түсіндіру жұмыстарын жүргізбей, үндеу жасамаған өңір басшыларын сынға алды.

"Жергілікті телеарналар, газеттер мен журналдарда жұмыс дұрыс деңгейде атқарылмай жатыр", - деді ол.

Осыған байланысты президент облыс, аудан және қала басшыларына күні-түні жұмыс істеу керегін айтып, коронавирустың алдын алу үшін жұмыстар жүргізілу керегін ескертті.

700-ге жуық полиция қызметкері жатақханаларға орналастырылды

Қазақстанда коронавирусқа қарсы вакцина әзірлеу уақыты белгілі болды