Алдын ала мәлімет бойынша, маусым айында Павлодар облысында пневмониядан 27 адам қайтыс болды, деп хабарлайды Almaty.tv тілшісі Tengrinews.kz-ке сілтеме жасап.
Бұл туралы облысы әкімінің бірінші орынбасары Сұңғат Есімханов айтты. Оның айтуынша, былтыр шілде айында пневмониядан өлім жағдайы мүлде тіркелмеген.
Сондай-ақ, Есімханов соңғы аптада облыста ауруханадағы орындарды 840-тан 2 379-ға дейін көбейтуге тура келген. Олардың 290-ы - жұқпалы аурулар стационарларында болса, 2037-сі - провизорлық, қалғандары карантиндік стационарларда.
«Коронавирус инфекциясы расталған пациенттер емделіп жатқан инфекциялық блок 70 пайызға науқастарға толы, онда 204 пациент бар, провизорлық блок - облыс бойынша 92 пайызға, Павлодарда - 95 пайызға. Қазір провизорлық госпитальдар ретінде барлық аудандық аурухана жұмыс істейді. Күн сайын 200-ден 300-ге дейін адам қабылданады», – деп атап өтті әкім орынбасары.
