Алматыда 40 жастан асқан тұрғындар арасында вирус жұқтыру деңгейі төмендеді

Соңғы 2 аптаның деректері бойынша КВИ-мен ауыратын науқастардың жас құрамын талдау кезінде COVID-19 иммунизациясымен байланысты кейбір өзгерістер анықталды, деп хабарлайды Almaty.tv

«40-59 жастағы азаматтардың аурушаңдығы 1,1%-ға және 60 жастан асқандар 0,9%-ға төмендеді.  Сонымен қатар, 20-дан 40 жасқа дейінгі жастар арасындағы үлес 1,7%-ға өсті, бұл көрсеткіш көбінесе COVID-19-қа қарсы вакцинацияны алмаған адамдардың жағдайы», – деді Жандарбек Бекшин онлайн-брифингте.

Сондай-ақ, КВИ  жұқтыру көбінесе жұмыс істемейтін халық арасында тіркелген - 33,4%. Әртүрлі ЖШС жұмысшылары, жеке кәсіпкерлер, АҚ - 21,0%, зейнеткерлер - 21,7%. Мектеп оқушылары - 7,6% және мектеп жасына дейінгі балалар арасында - 5,4%.