Эпидахуал: 6 мамырдағы жағдай бойынша бақылау матрицасы жарияланды

ашық дереккөзден

Шымкент қаласы мен Қызылорда облысы өз позициясын жақсартып, «қызыл аймақтан» «сары аймаққа» өтті

ҚР Үкіметі жанындағы коронавирустың таралуына жол бермеу жөніндегі ведомствоаралық комиссиясы 6 мамырдағы жағдай бойынша ел өңірлеріндегі эпидемиологиялық жағдайды бақылау матрицасын жариялады, деп хабарлайды Almaty.tv.

«Қызыл аймақта» Нұр-Сұлтан, Алматы қалалары мен Ақмола, Жамбыл, Батыс Қазақстан, Қарағанды, Павлодар облыстары тұр.

«Сары аймақта» Шымкент қаласы мен Алматы, Атырау, Ақтөбе, Шығыс Қазақстан, Қызылорда, Маңғыстау облыстары тұр.

«Жасыл аймақта» Түркістан, Қостанай және Солтүстік Қазақстан облыстары қалды.

Айта кетейік, Шымкент қаласы мен Қызылорда облысы өз позициясын жақсартып, «қызыл аймақтан» «сары аймаққа» өтті. Ал Маңғыстау облысы керісінше,«жасыл аймақтан» «сары аймаққа» төмендеді.