Түркияда коронавирустың ауыр жағдайымен тіркелгендер саны артты

zakon.kz

Түркияда COVID-19 инфекциясын жұқтырғандар саны 267 064 науқасқа жеткен

Түркия Денсаулық сақтау министрі Фахреттин Коджа COVID-19 инфекциясын жұқтырғандар арасында сырқаттың ауыр ағымы көбейгенін мәлімдеді. Бұл туралы министр Twitter-де жазды, деп хабарлайды Almaty.tv тілшісі Baq.kz порталына сілтеме жасап.

«Бүгін вирус жұқтырғандар саны тағы 546 науқасқа артты. Қауіпті індеттен қайтыс болғандар саны 6 мыңнан асты. Оған қоса сырқаттың ауыр жағдайымен тіркелу көбейді», - деп жазды министр.

Түркияда COVID-19 инфекциясын жұқтырғандар саны 267 064 науқасқа жеткен, қайтыс болғандар саны 6284. Ал 242 812 адам коронавирустан жазылып шыққан.

Вирустың таралуына қарамастан ел билігі туристік маусымның жалғасуына бар жағдайды жасауда.